8 REGISTRES

tuz de leurs robbes de livrées et la navire d'orfaverye sur le bras ;

Après marchoient les crieurs dè corps et de vins, vesluz de robbes my parties de bleu et rouge, jusques au nombre de six ;

Après marchoient les vendeurs de vins à pied, vestuz de robbes my parties et tenant chascun ung baston blanc à la main, jusques au nombre de douze;

Après marchoient les courtiers de vins, vestuz desd, livrées, en l'ordre que dessus, jusques au nombre de douze;

Après marchoient quatre jaulgeurs de vins, vestuz comme dessus;

Après marchoient douze deschargeurs de vins, en l'ordre et habitz que dessus;

Après douze mesureurs de sel, en lad. ordre et habit;

Après quatre courtiers dc sel, en l'ordre que dessus ;

Après quatre briseurs de sel, comme dessus;

Après douze hanouars porteurs de sel, comme dessus ;

Après marchoient six mesureurs de charbon, comme dessus;

Après six porteurs de charbon, comme dessus;

Après marchoient dix mosleurs de boys, en l'abit et ordre que dessus;

Après vingt mesureurs de grains, vestuz et en ordre susdict;

Après marchoient vingtz porteurs de bled, idem comme dessus;

Après lesd, officiers de Ville, marchèrent à cheval les cent hacquebutiers de lad. Ville, vestuz de leurs hocquetons de livrée, portans hacquebuttes à la main, et devant eulx trompettes, clairons et tabou-rins de guerre avec deux enseignes desployées, dont l'une de lad. Ville;

Après marchoient les six vingtz archers d'icelle Ville à cheval, vesluz de leurs hocquetons de livrée aux armoiryes de lad. Ville d'orfaverye, tenans et portans chascun une javeline de barde, et devant eulx les tabourins de guerre et deux enseignes desployées, dont l'une de lad. Ville;

Après marchoient les soixante arbalestriers d'i-celled. Ville, portans javelines de barde et richement vestuz de leurs hocquetons de livrée, différente des autres nombres, chascun ung pourpoint de satin blanc et leurs chevaulx bardez de rouge, et devant eulx trompettes et clerons sonnans mélodieusement ;

DU BUREAU [i54o]

Après marchoient les nobles enffans de lad. Ville jusques au nombre de quatrevingtz quatre, lesquelz estoient si richement vestuz et magnifiquement montez que c'estoit une grande et admirable exce-lence de les veoir en leurs habitz, tous d'une pareure, qui estoit une cazaque de velours noir enrichi d'orfaverye et de passemens d'or, une manche couppée de drap d'or frizé et de broderye, et dessoubz le pourpoinct de satin jaulne paille, avec leurs bonnetz si très remplis de dyamans, rubis, esmerauldes, perles, marguerites et autres pierres précieuses, et boutons d'or esmaillez, que quatre d'iceulx bonnetz ont esté estimez la somme de cinquante mil escus d'or soleil. Et estoient leurs chevaulx richement bardez et houssez de caparassons de beau velours des coulleurs dud. Empereur frangez et pourfillez de passemens d'or de Cipre. Et avoient une enseigne desployée, richement paincte et pourtraicte des armes dud. Empereur et du Roy. Et faisoient merveilles de piquer leurs chevaulx de leurs esperons dorez et faire bondir et saulter leursd, chevaulx; dont le Roy, les princes et le peuple estoient très contans et Joyeulx de les veoir, et estoient esmerveillcz commant en si peu d'heures ilz furent prestz, actendu qu'ilz n'en savoient riens vingt quatre heures devant. Et si le cappitaine, qui fut Germain Boursier, l'eust sceu deux jours devant, ilz eussent esté plus de cinq cens, ainsi qu'il a dit depuis;

Après eulx, marchoient à cheval les huit autres sergens de lad. Ville, vestuz de leurs robbes my parties de la livrée dc lad. Ville et les navires d'argent d'orfaverye sur leurs manches droictes en la maniere acoustumée ;

Après, marchoient Messieurs les Prevost des Marchans, Eschevins et greffier de lad. Ville, vestuz de riches robbes my parties de velours cramoisi et velours tanné, celle dud. Prevost des Marchans fourrée de marthes sublinnes, et celles desd. Eschevins et greffier doublées de velours noir;

L'ordre du Procureur et Receveur.

Après eulx, marchoient les Procureur et Receveur de lad. Ville, vestuz, c'est assavoir led. Procureur d'une robbe longue de velours rouge cramoisy doublée de velours noir, et led. Receveur d'une belle robbe de satin fourrée de marthres ;

Après marchoient les Conseillers d'icelle Ville, vestuz de riches habitz de soye, fourrez de belles et riches pennes, chascun selon leur voulloir;



	8 REGISTRES tuz de leurs robbes de livrées et la navire d'orfaverye sur le bras ; Après marchoient les crieurs dè corps et de vins, vesluz de robbes my parties de bleu et rouge, jusques au nombre de six ; Après marchoient les vendeurs de vins à pied, vestuz de robbes my parties et tenant chascun ung baston blanc à la main, jusques au nombre de douze; Après marchoient les courtiers de vins, vestuz desd, livrées, en l'ordre que dessus, jusques au nombre de douze; Après marchoient quatre jaulgeurs de vins, vestuz comme dessus; Après marchoient douze deschargeurs de vins, en l'ordre et habitz que dessus; Après douze mesureurs de sel, en lad. ordre et habit; Après quatre courtiers dc sel, en l'ordre que dessus ; Après quatre briseurs de sel, comme dessus; Après douze hanouars porteurs de sel, comme dessus ; Après marchoient six mesureurs de charbon, comme dessus; Après six porteurs de charbon, comme dessus; Après marchoient dix mosleurs de boys, en l'abit et ordre que dessus; Après vingt mesureurs de grains, vestuz et en ordre susdict; Après marchoient vingtz porteurs de bled, idem comme dessus; Après lesd, officiers de Ville, marchèrent à cheval les cent hacquebutiers de lad. Ville, vestuz de leurs hocquetons de livrée, portans hacquebuttes à la main, et devant eulx trompettes, clairons et tabou-rins de guerre avec deux enseignes desployées, dont l'une de lad. Ville; Après marchoient les six vingtz archers d'icelle Ville à cheval, vesluz de leurs hocquetons de livrée aux armoiryes de lad. Ville d'orfaverye, tenans et portans chascun une javeline de barde, et devant eulx les tabourins de guerre et deux enseignes desployées, dont l'une de lad. Ville; Après marchoient les soixante arbalestriers d'i-celled. Ville, portans javelines de barde et richement vestuz de leurs hocquetons de livrée, différente des autres nombres, chascun ung pourpoint de satin blanc et leurs chevaulx bardez de rouge, et devant eulx trompettes et clerons sonnans mélodieusement ;	DU BUREAU [i54o] Après marchoient les nobles enffans de lad. Ville jusques au nombre de quatrevingtz quatre, lesquelz estoient si richement vestuz et magnifiquement montez que c'estoit une grande et admirable exce-lence de les veoir en leurs habitz, tous d'une pareure, qui estoit une cazaque de velours noir enrichi d'orfaverye et de passemens d'or, une manche couppée de drap d'or frizé et de broderye, et dessoubz le pourpoinct de satin jaulne paille, avec leurs bonnetz si très remplis de dyamans, rubis, esmerauldes, perles, marguerites et autres pierres précieuses, et boutons d'or esmaillez, que quatre d'iceulx bonnetz ont esté estimez la somme de cinquante mil escus d'or soleil. Et estoient leurs chevaulx richement bardez et houssez de caparassons de beau velours des coulleurs dud. Empereur frangez et pourfillez de passemens d'or de Cipre. Et avoient une enseigne desployée, richement paincte et pourtraicte des armes dud. Empereur et du Roy. Et faisoient merveilles de piquer leurs chevaulx de leurs esperons dorez et faire bondir et saulter leursd, chevaulx; dont le Roy, les princes et le peuple estoient très contans et Joyeulx de les veoir, et estoient esmerveillcz commant en si peu d'heures ilz furent prestz, actendu qu'ilz n'en savoient riens vingt quatre heures devant. Et si le cappitaine, qui fut Germain Boursier, l'eust sceu deux jours devant, ilz eussent esté plus de cinq cens, ainsi qu'il a dit depuis; Après eulx, marchoient à cheval les huit autres sergens de lad. Ville, vestuz de leurs robbes my parties de la livrée dc lad. Ville et les navires d'argent d'orfaverye sur leurs manches droictes en la maniere acoustumée ; Après, marchoient Messieurs les Prevost des Marchans, Eschevins et greffier de lad. Ville, vestuz de riches robbes my parties de velours cramoisi et velours tanné, celle dud. Prevost des Marchans fourrée de marthes sublinnes, et celles desd. Eschevins et greffier doublées de velours noir; L'ordre du Procureur et Receveur. Après eulx, marchoient les Procureur et Receveur de lad. Ville, vestuz, c'est assavoir led. Procureur d'une robbe longue de velours rouge cramoisy doublée de velours noir, et led. Receveur d'une belle robbe de satin fourrée de marthres ; Après marchoient les Conseillers d'icelle Ville, vestuz de riches habitz de soye, fourrez de belles et riches pennes, chascun selon leur voulloir;